البلطجي والشاب اليائس‏

البلطجي والشاب اليائس







ضرب البلطجي باب المقهى برجله
فوقف جميع رواد المقهى خوفا منه

الشاب كان يجلس وهو شارد الذهن
ينظر الى كوب الشاي الذي أمامه

فاتجه اليه البلطجي واخذ كوب الشاي
من امام الشاب وشربه مرة واحدة
ثم ألقى الكوب فارغا وقال للشاب :

ادفع انت بقه ثمن الشاي

بكى الشاب بكاء مريرا

البلطجى :
بتعيّط عشان خمسين قرش وعامل لي راجل !!!

الشاب :
انا بعيط عشان ماليش بخت فى الدنيا دي
كل ماروح شغلانة افشل فيها ويطردني صاحب الشغل

- اشتغلت قهوجى وقعت الشاي والطلبات على الزباين
- اشتغلت مكوجي حرقت هدوم الزباين
- اشتغلت محاسب فى شركة طلعت شركة نصب والبوليس قفلها
- سافرت السعودية طلع العقد مضروب ورجعت ترحيل
- رحت العراق حصل الغزو وراحت فلوسي ورجعت ماشي

بصراحة انا انسان فاشل فى كل حاجة اعملها

البلطجى : ياه دا انت فاشل خالص

الشاب امال لوعرفت اللى حصل الشهر اللى فات
كنت رايح شغلانة جديدة
فصحيت الصبح متأخر فنزلت بسرعة
وركبت عربية جارنا اللى حاططها قدام البيت
ورحت الشغل برضة متاخر

فطردنى صاحب الشغل لاستهتاري بمواعيد العمل
فخرجت من الشركة فاكتشفت ان حرامي سرق العربية

فاتهمني جارنا بسرقة العربية وقبضوا علي
واتسجنت6 شهور ولسه خارج النهار ده

حتى الانتحار فشلت فيه



البلطجي : ازاي ؟



الشاب : رحت للبقال واشتريت منه أقوى سم قاتل
وجيت القهوة وحطيت السم في الشاي
عشان أشربه أموت وأخلص من حياتي
فجيت انته وشربت الشاي بتاعي
اللي فيه السم ؟؟!!